ឯកឧត្តម សួន វិសាល រដ្ឋលេខាធិការក្រសួងយុត្តិធម៌ និងជាប្រធានក្រុមលេខាធិការនៃក្រុមការងាររៀបចំការធ្វើវិសោធនកម្មច្បាប់ស្ដីពីលក្ខន្តិកៈមេធាវី បានដឹកនាំកិច្ចប្រជុំលើកដំបូងរបស់ក្រុមលេខាធិការនៃក្រុមការងាររៀបចំការធ្វើវិសោធនកម្មច្បាប់ស្ដីពីលក្ខន្តិកៈមេធាវី
ភ្នំពេញ៖ នៅរសៀលថ្ងៃអង្គារ ១៥កើត ខែទុតិយាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១ ខែសីហា ឆ្នាំ២០២៣ នេះ ឯកឧត្តម សួន វិសាល រដ្ឋលេខាធិការក្រសួងយុត្តិធម៌ និងជាប្រធានក្រុមលេខាធិការនៃក្រុមការងាររៀបចំការធ្វើវិសោធនកម្មច្បាប់ស្ដីពីលក្ខន្តិកៈមេធាវី បានដឹកនាំកិច្ចប្រជុំលើកដំបូង ដើម្បីសិក្សាស្រាវជ្រាវច្បាប់ និងលិខិតបទដ្ឋានគតិយុត្តនានាពាក់ព័ន្ធនឹងលក្ខន្តិកៈមេធាវី។
កិច្ចប្រជុំនេះធ្វើឡើងនៅសាលប្រជុំក្រសួងយុត្តិធម៌ និងមានការចូលរួមពីសមាជិកក្រុមលេខាធិការនៃក្រុមការងាររៀបចំការធ្វើវិសោធនកម្មច្បាប់ស្ដីពីលក្ខន្តិកៈមេធាវី។
កិច្ចប្រជុំលើកដំបូងនេះបានពិភាក្សាគ្នាដើម្បីកំណត់កាលបរិច្ឆេទប្រជុំជាបន្តបន្ទាប់ និងបែងចែកមាត្រានៃសេចក្ដីព្រាងច្បាប់ស្ដីពីការធ្វើវិសោធនកម្មច្បាប់លក្ខន្តិកៈមេធាវី ជូនសមាជិកនៃអង្គប្រជុំដើម្បីពិនិត្យ និងយកមកពិភាក្សានៅកិច្ចប្រជុំបន្ទាប់។
