ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ អញ្ជើញដឹកនាំកិច្ចប្រជុំថ្នាក់ដឹកនាំក្រសួងយុត្តិធម៌ ដើម្បីពិនិត្យ និងពិភាក្សាលើការងារអាទិភាពមួយចំនួនរបស់ក្រសួងយុត្តិធម៌
ទីស្តីការក្រសួងយុត្តិធម៌៖ នាព្រឹកថ្ងៃព្រហស្បតិ៍ ១៣រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៩ ខែមករា ឆ្នាំ២០២៣, ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ បានអញ្ជើញដឹកនាំកិច្ចប្រជុំថ្នាក់ដឹកនាំក្រសួងយុត្តិធម៌ ដើម្បីពិនិត្យ និងពិភាក្សាលើការងារអាទិភាពមួយចំនួនរបស់ក្រសួងយុត្តិធម៌ រួមមាន ការពិនិត្យ និងពិភាក្សាអំពីការអនុវត្តគម្រោងថវិកាប្រចាំឆ្នាំ២០២២ និងគម្រោងថវិកាប្រចាំឆ្នាំ២០២៣ ព្រមទាំងការងារពាក់ព័ន្ធនឹងការត្រៀមរៀបចំសន្និបាតបូកសរុបការងារវិស័យយុត្តិធម៌ឆ្នាំ២០២២ និងការលើកទិសដៅការងារអាទិភាពសម្រាប់ឆ្នាំ២០២៣។ កិច្ចប្រជុំនេះមានការអញ្ជើញចូលរួមពីសំណាក់ថ្នាក់ដឹកនាំរបស់ក្រសួងយុត្តិធម៌រួមមាន លោកជំទាវរដ្ឋលេខាធិការប្រចាំការ, ឯកឧត្តម លោកជំទាវជារដ្ឋលេខាធិការ ព្រមទាំង ឯកឧត្តម លោកជំទាវ ជាអនុរដ្ឋលេខាធិការ អគ្គលេខាធិការ អគ្គនាយក អគ្គាធិការ និងមន្ត្រីជំនាញពាក់ព័ន្ធមួយចំនួន។
