ឯកឧត្តម ផូវ សំភី ប្រតិភូរាជរដ្ឋាភិបាល និងជាអគ្គនាយកកិច្ចការរដ្ឋបាលតុលាការ អញ្ជើញដឹកនាំកិច្ចប្រជុំគណៈកម្មការដំឡើងឋានន្តរស័ក្តិ ឬថ្នាក់ នៅតាមអង្គភាពរដ្ឋបាលនៃសាលាជម្រះក្ដីគ្រប់ជាន់ថ្នាក់ សម្រាប់ឆ្នាំ២០២៥
ឯកឧត្តម ផូវ សំភី ប្រតិភូរាជរដ្ឋាភិបាល និងជាអគ្គនាយកកិច្ចការរដ្ឋបាលតុលាការ អញ្ជើញដឹកនាំកិច្ចប្រជុំគណៈកម្មការដំឡើងឋានន្តរស័ក្តិ ឬថ្នាក់ នៅតាមអង្គភាពរដ្ឋបាលនៃសាលាជម្រះក្ដីគ្រប់ជាន់ថ្នាក់ សម្រាប់ឆ្នាំ២០២៥
=======================
ទីស្តីការក្រសួងយុត្តិធម៌៖ នារសៀលថ្ងៃព្រហស្បតិ៍ ៨ រោច ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែកុម្ភៈ ឆ្នាំ២០២៥, ឯកឧត្តម ផូវ សំភី ប្រតិភូរាជរដ្ឋាភិបាល និងជាអនុប្រធានអចិន្រ្តៃយ៍ នៃគណៈកម្មការ អញ្ជើញដឹកនាំកិច្ចប្រជុំគណៈកម្មការដំឡើងឋានន្តរស័ក្តិ ឬថ្នាក់នៅតាមអង្គភាពរដ្ឋបាលនៃសាលាជម្រះក្ដីគ្រប់ជាន់ថ្នាក់សម្រាប់ឆ្នាំ២០២៥ ដែលត្រូវស្នើសុំដំឡើងថ្នាក់ និងឋានន្តរស័ក្តិ ប្រចាំឆ្នាំ២០២៥ ដើម្បីពិនិត្យ និងវាយតម្លៃ ស្នើសុំដំឡើងឋានន្តរស័ក្តិ ឬថ្នាក់ជូនមន្រ្តីរាជការស៊ីវិល នៅតាមអង្គភាពរដ្ឋបាល នៃសាលាជម្រះក្ដី ដែលមានលក្ខណៈសម្បត្តិគ្រប់គ្រាន់ តាមវេនជ្រើសរើស និងវេនអតីតភាព រួចដាក់ជូនឯកឧត្តម ឧបនាយករដ្ឋមន្រ្តី ដើម្បីពិនិត្យ និងសម្រេច។ ដោយមានការអញ្ជើញ ចូលរួមពី ឯកឧត្តម លោកជំទាវ លោក លោកស្រី ដែលជាប្រធានអង្គភាពរដ្ឋបាលនៃសាលាជម្រះក្ដីគ្រប់ជាន់ថ្នាក់ និងនាយកដ្ឋានគ្រប់គ្រងធនធានមនុស្សនៃរដ្ឋបាលតុលាការផងដែរ។
